早晨！法羅群島☺️
《魚蛋誕生篇》
我人生第一次養貓啦😽 佢叫魚蛋，三個月大。五個多月前魚蛋媽Dora發情，成日都哀求主人畀佢外出，朝早6點出去、夜晚9點先返，過左無耐就宣布有左。一生就生左5隻貓仔。而通常一胎入面總有隻營養不良，特別細隻，可能會養唔大，甚至夭折。呢隻特別細的就係魚蛋。Dora 的主人決定將所有貓仔送畀人，當時我地決定都養返一隻，我一揀就揀左魚蛋。男朋友當時問我：你肯定？可能佢會係唔健全的貓。但係當時望住比其他貓仔細粒一半的魚蛋真係好可愛又好可憐又好似粒魚蛋，而且諗到其他人未別會想要佢，於是我決定就佢啦！一開始魚蛋真係唔夠其他貓仔fight，飲奶飲最後，到佢飲啦又唔識搵媽媽個奶頭，要人手幫佢。不過到佢慢慢長大，同其他貓仔相處愈黎愈打成日一片，轉眼間佢就三個月大啦。到9月就會帶佢返屋企☺️
待續：《魚蛋媽Dora尋親記》
Search